– لاہور ۔۔۔ ناظم ملک –
** چیف کمشنر اسلام آباد عامر احمد علی اور ڈپٹی کمشنر حمزہ شفقات کے اپوزیشن جماعتوں کی قیادت سے قریبی رشتے داریاں ہیں
** عامر احمد علی اور حمزہ شفقات ہر دور میں اہم عہدوں پر براجمان چلے آرہے ہیں
گزشتہ کابینہ کے اجلاس میں بیوروکریسی کی ناقص کارگردگی پر وزیراعظم برہم نظر آئے وہاں بیوروکریسی میں اہم تبدیلیاں کرنے کا بھی فیصلہ کیا گیا کیونکہ وفاقی دارالحکومت کی بیوروکریسی نے پی ٹی آئی کی حکومت کو مکمل طور پر مفلوج کر کے رکھ دیا ہے، اسلام آباد کے دونوں بڑے انتظامی افسران چیف کمشنر عامر احمد علی اور ڈپٹی کمشنر حمزہ شفقات جن دونوں کا تعلق نہ صرف گجرات سے ہے بلکہ ان کی رشتہ داریاں اپوزیشن کی اہم جماعتوں سے ہیں۔ اسی بدولت دونوں افسران ہر دور حکومت میں اہم تعیناتیاں حاصل کرنے میں کامیاب رہتے ہیں۔
چیف کمشنر اسلام آباد جو ماضی قریب میں سی ڈی اے کے اہم عہدوں پر اور ڈپٹی کمشنر اسلام آباد بھی رہے ہیں نوازشریف کے قریبی ساتھی اور ان کے پرنسپل سیکرٹری سعید مہدی کے برخوردار ہیں۔ جب کہ ان کا سسرال بھی مبینہ طور پر پیپلزپارٹی کے اہم راہنما چوہدری احمد مختار کا خاندان ہے، جب کہ ان کے سسرالی رشتہ داری کے ڈانڈے مریم نواز کے سمدھی چوہدری منیر سے بھی جا ملتے ہیں۔
گجرات سے ہی تعلق رکھنے والے حمزہ شفقات اس وقت ڈپٹی کمشنر اسلام آباد ہیں۔ حمزہ شفقات گجرات کے اہم سیاسی خاندان کےساتھ قریبی تعلقات ہیں اور ایس ایس پی ریٹائرڈ چوہدری شفقات کے صاحبزادے ہیں اور ان کی سسرالی رشتہ داری کے پی کے میں اہم اپوزیشن جماعت اے این پی کے بلور خاندان سے بتائی جاتی ہے۔ اسی لیئے مولانا فضل الرحمان کا دھرنا ہو یا کرونا کی وباء وفاقی دارالحکومت کے انتظامی امور میں تحریک انصاف کی حکومت مکمل بے بس دکھائی دیتی ہے۔
ذرائع کے مطابق ان دونوں افسران کو حال ہی میں تعینات ہونے والے سیکرٹری داخلہ یوسف نسیم کھوکھر کا ساتھ بھی حاصل ہو گیا ہے، جس کے بعد ضلعی سے وفاقی سطح تک بیوروکریسی پی ٹی آئی مخالف دکھائی دیتی ہے۔
ایسے میں جب وزیراعظم نے اپنے وزراء کے ساتھ بیوروکریسی کو بھی ہدف تنقید بنایا ہے، انہی کی ناک کے عین نیچے وفاقی دارالحکومت میں اپوزیشن کی بڑی جماعتوں کے رشتہ دار بیوروکریٹ مکمل طور پر قابض ہیں اور حکومت بے بس دکھائی دیتی ہے۔
|Pak Destiny|
بھونکنا چھوڑ دیں حقیقت دکھاؤ آج تک کیا کیا ہے سوائے مہنگائی کے اور کچھ نہیں ہوا ہر چیز کا ریٹ نیا آ جاتا ہے حکومت غریبوں کے حق میں ناکام ہو چکی ہے عوام کو زندہ مارنا شروع کر دیا ہے غریب عوام کی بد دعائیں ان کو لگ گئی ہیں اللہ پاک اس حکومت کو جلد ختم کرے جو حکمران اپنی عوام کو ریلیف نہیں دے سکتا وہ کچھ نہیں کر سکتا کوئی ایک چیز بتا دیں جس پر کنٹرول ہو مافیا کے آگے جھک گیے ہو کوئی چیز ایسی نہیں ہے جس پر حکومت نے کنٹرول کیا ہو الٹا وہ چیز مارکیٹ سے غائب ہو جاتی ہے سب پرانے چور دوبارہ حکومت میں شامل ہو گئے ہیں جن کے منہ میں حرام لگا ہوا ہے ان کو کمانے کا طریقہ بہت آتا ہے وزیراعظم صاحب برائے نام ہی ہیں عمران خان صاحب عوام کی بد دعائیں نہ لیں بلکہ دعائیں لینے کی کوشش کریں اللہ تعالیٰ سب دیکھ رہا ہے